"Реал Мадрид"нинг бельгиялик дарвозабони Тибо Куртуа профессионал фаолиятини якунлаганидан кейин пойгаларда иштирок этишни хоҳлаётганини тан олди.
"Футбол ўйнашни тўхтатсам, GT3 пойгасида қатнашиш орзум рўёбга чиққан бўларди. Агар шундай бўладиган бўлса, мен одатдагидек сиғадиган машина рулига ўтирмоқчиман. Мен Формула 1 машинасига сиғмайман. Менинг бошим "гало"дан юқорига чиқиб туради, шунинг учун бу унчалик хавфсиз бўлмайди", - деди Тибо Куртуа ESPN билан суҳбатда.
Эслатиб ўтамиз, Куртуа Бельгия Гран-присига таклиф қилинган ва спринт пойгасидан сўнг катакли байроқни ҳилпиратган эди. Бундан ташқари, Куртуа мусобақа якунида кучли учликка совринларни топширди.
