"Ювентус" ярим ҳимоячиси Дуглас Луис Англиянинг "Ноттингем Форест" клубига ўтиши даргумон.
"Ўрмончилар" бразилияликни кейинчалик сотиб олиш имконияти билан ижарага олишга тайёр эдилар, бу маълум шартларга эришилганда мажбурий бўлиши мумкин эди. "Кекса синьора" бунга рад жавобини берди, чунки у 27 ёшли хавбекнинг дарҳол сотилишига умид қилмоқда. Ўз навбатида "Ноттингем Форест" тўғридан-тўғри трансферга рози эмас.
Дуглас Луис "Ювентус"га ўтган йилнинг ёзида "Астон Вилла"дан 50 млн евродан кўпроқ маблағ эвазига ўтган эди. Нуфузли Transfermarkt портали экспертлари футболчининг ҳозирги қийматини 30 млн еврога баҳоламоқда.













