EL Nacional хабарига кўра, "Барселона" ярим ҳимоячиси Марк Касадо "Атлетико Мадрид"нинг янги трансфер мақсадига айланди.
Касадонинг келажаги ноаниқлигича қолмоқда. Гарчи Ҳанси Флик унга ротация варианти сифатида қарашда давом этса-да, агар молиявий жиҳатдан жозибадор бўлса, "Барселона" раҳбарияти таклифларни тинглашга тайёр.
Аллақачон имзоланган шартномаларга қарамай, трансфер бозорида ишлашда давом этаётган "Атлетико" "Барса" футболчисини сотиб олиш имкониятига ижобий қарайди. Симеоне майдон марказида рақобатни кучайтиришга интилмоқда, Касадо эса унинг талабларига жуда мос келади.
Марк Касадо 2024/25 йилги мавсумда “Барселона” сафида барча турнирларда 36 та ўйин ўтказиб, битта гол ва 6 та голли узатмани амалга оширган.
