"Сандерленд" "Челси" ҳужумчиси Марк Гиуни ўз сафига қўшиб олади, дея хабар бермоқда Фабрицио Романо.
Манбага кўра, "Сандерленд" 19 ёшли испаниялик футболчини ижарага олишга келишиб олган. Битим сотиб олиш ҳуқуқисиз тўғридан-тўғри ижара асосида тузилади, чунки Марк "Челси"нинг узоқ муддатли режаларининг бир қисми бўлиб қолмоқда.
Қайд этилишича, маош "Сандерленд" томонидан қопланади, чунки у бош мураббий Ле Бри режаларида муҳим ҳужумчига айланади.
Ўтган мавсумда Гиу клуб миқёсида 16 та ўйинда 6 та гол урган.
