Ёшлар ўртасида жаҳон чемпионатининг нимчорак финалидаги рақибимиз Греция терма жамоаси мураббийлар штаби кеча Ўзбекистоннинг ўйин услубини ўрганиш билан банд бўлишди.
Шунингдек, кеча бўлиб ўтган машғулот тахминан 90 дақиқа давом этди ва унда жамоа нимчорак финал баҳси учун тактикаларни маромига етказиш пайида бўлишди. Ундан олдин эса мураббийлар терма жамоа футболчиларига Ўзбекистоннинг ўйинлари видеосини кўрсатишди.
Бугун Тошкент вақти билан 17:00да Газиентеп шаҳрида матбуот анжумани ўтказилса, ўйинолди расмий машғулот орадан 3 соат ўтиб бошланади.













