"Ливерпуль" жамоаси бош мураббийи Арне Слот Луис Диаснинг Мюнхеннинг "Бавария" клубига сотилиши ҳақида фикр билдирди.
Слотнинг таъкидлашича, унинг даражасидаги ўйинчини йўқотиш ҳар доим сезиларли, аммо бу ҳолатда клуб жиддий молиявий фойда олди.
"Луис билан АПЛ чемпионлигини қўлга киритдик ва бу кўп жиҳатдан унинг хизмати - у ҳақиқатан ҳам топ-футболчи. Албатта, бундай футболчилар билан хайрлашиш ҳар доим бироз аламли. Аммо келишув фойдали бўлди: Лучо бир неча йил давомида жамоанинг муҳим аъзоси бўлди, кейин эса биз унинг учун катта пул олдик", - деди Слот The Athletic нашрига берган интервьюсида.
Аввалроқ, немис клуби колумбиялик футболчи учун бонуслар билан бирга 75 млн евро тўлаши хабар қилинганди.
