"Эвертон" Англиянинг энг иқтидорли ярим ҳимоячиларидан бирига таклиф тайёрламоқда.
Нуфузли инсайдер Фабрицио Романонинг маълум қилишича, ёзда "ирислар" "Саутгемптон"нинг 27 миллион фунтлик илк таклифини рад этган 19 ёшли Тайлер Диблингни ўз сафига қўшиб олмоқчи. Машҳур Transfermarkt сайтида унинг нархи 25 миллион еврога баҳоланмоқда.
Қайд этилишича, клублар музокаралар столига қайтишга тайёр.
Тайлер Диблинг ўтган мавсумда "Саутгемптон" сафида барча мусобақаларда 38та ўйин ўтказиб, 4та гол урган ва 3та голга ҳаммуаллифлик қилган.













