"РБ Лейпциг" клуби ҳужумкор ярим ҳимоячиси Хави Симонс фаолиятини Лондоннинг "Челси" клубида давом эттиради. Бу ҳақда таниқли инсайдер Николо Скира маълум қилди.
Манба маълумотларига кўра, битим тўлиқ келишилган. 22 ёшли нидерландиялик футболчи "Челси" билан яна бир йилга узайтириш шарти билан 2032 йилгача мўлжалланган меҳнат шартномасини имзолайди.
Ўтган мавсумда Хави Симонс барча мусобақаларда 33та ўйинда майдонга тушиб, 11та гол урди ва 8та голга ассистентлик қилди.
Нуфузли Transfermarkt интернет портали мутахассислари ярим ҳимоячининг бозор нархини 70 миллион еврога баҳоламоқда.













