Мадриднинг "Реал" клуби ёзги трансферлар ойнаси ёпилгунга қадар ўрта чизиқни кучайтириши мумкин.
"Қаймоқранглилар" Кобби Майну ("Манчестер Юнайтед") ва Адам Уортон ("Кристал Пэлас") номзодларини кўриб чиқмоқда. Икки футболчига бош мураббий Хаби Алонсо юқори баҳо бермоқда, деб ёзади Defensa Central.
Transfermarkt портали талқинига кўра, 20 ёшли Майнунинг нархи 50 млн еврони, 21 ёшли Уортоннинг нархи эса 45 млн еврони ташкил этади. Англиялик ярим ҳимоячиларнинг амалдаги шартномалари муддати мос равишда 2027 ва 2029 йилларга қадар тузилган.













