"Барселона" ўзининг расмий сайтида жамоа афсоналарининг Мадриднинг "Реал" клубига қарши ўйинлари ҳақида маълум қилди. Сентябрь ойида АҚШда афсоналар даражасида иккита "эл класико" бўлиб ўтади: 9 сентябрь куни Нью-Жерсида ва 13 сентябрь куни Флоридада.
"Барселона" сафида Ривалдо, Адриано, Клаудио Браво ва Паулиньо ўйнайди. Каталонияликлар жамоанинг тўлиқ таркибини кейинроқ эълон қилишга ваъда беришди.
Эслатиб ўтамиз, Ла Лигада мавсумнинг илк "класико"си октябрь ойи охирида Мадридда бўлиб ўтади. Ўйин - 26 октябрь куни бўлади.













