"Интер Майами" Лигалар кубоги доирасида "Некакса"га қарши ўйинда Лионель Мессини йўқотди. Учрашув бошидаёқ аргентиналик майдонга йиқилиб, оғриқдан типирчилаб қолди. 38 ёшли аргентиналик футболчига шифокорлар ёрдам кўрсатди, бироқ у ўйинни давом эттира олмади - Хавьер Маскерано 11-дақиқада юлдузни алмаштиришга мажбур бўлди.
Кўнгилсиз воқеадан деярли дарҳол "кутонлар" Теласко Сеговиянинг саъй-ҳаракатлари билан олдинга чиқди, аммо қувонч узоқ давом этмади, чунки 18-дақиқада Америка жамоаси камчилик бўлиб қолди, 33-дақиқада эса меҳмонлар ҳисобни тенглаштиришди.
Лионель Месси "Интер Майами" сафида ўтказган 6 та ўйинда 8 та гол ва 4 та голли узатмага муаллифлик қилган. Унинг шикастланиш даражаси ҳақида кейинроқ маълум бўлади.
