"Барселона"нинг собиқ спорт директори Рамон Планес "кўк-анорранглилар"нинг ҳужумчи Дарвин Нуньесга қизиқиш билдираётганини айтди.
Каталонияликлар уругвайлик футболчини Европадаги биринчи клуби “Алмерия”да ўйнаб юрганида ўзига жалб қилишни режалаштирган эди.
Ўша пайтда ёш ва истиқболли форвард учун курашда 2020 йилнинг сентябрь ойида "Бенфика" ғалаба қозонган эди.
"Мен Нуньесни "Алмерия"да ўйнаётганида "Барса"га ўтказмоқчи эдим. Менинг режам уни кичик пулга сотиб олиш ва "Алмерия"да ижара асосида қолишига рухсат бериш эди, шунда у мунтазам ўйнашни ва ривожланишини давом эттирарди.
Аммо кейин "Бенфика" келди ва унга 25 миллион евро тўлади", деди Планес.













