"Манчестер Юнайтед" янги стадион қурилишига тайёргарлик кўришда муаммоларга дуч келди.
100 минг кишилик арена қурилишини бошлаш учун клуб ҳозирги "Олд Траффорд" стадиони ёнидан ер сотиб олиши керак.
Ҳозирда бўлажак стадион учун ҳудудда қисман темир йўл юк терминали мавжуд. Guardian хабарига кўра, терминалга эгалик қилувчи Freightliner компанияси ер учун 400 млн фунт сўраган - "МЮ"дагилар эса ерни 40-50 млн фунтга баҳоламоқда.
"Манчестер Юнайтед" 2030 йилгача янги арена қуришни режалаштирмоқда, аммо Freightliner билан музокаралар клубни стадион лойиҳасини қайта кўриб чиқишга мажбур қилиши мумкин.
ОАВ маълумотларига кўра, "МЮ" 4,2 миллиард фунт эвазига стадион қуришни мўлжалламоқда.
