"ПСЖ" марказий ҳимоячиси Маркиньос клубда қолишга қарор қилди, дея хабар бермоқда L’Equipe.
Манбага кўра, 31 ёшли бразилиялик футболчи жамоадан кетиш ҳақида ўйлаган ва Форс кўрфази мамлакатларидан яхши таклифлар олган. Шунингдек, Маркиньос ўз позициясида кўпроқ рақобатга дуч келишини билади, чунки "ПСЖ" "Борнмут" марказий ҳимоячиси Иля Забарнийни ўз сафига қўшиб олади.
Бироқ, парижликлар сардори юқоридаги омилларга қарамай, жамоани тарк этиш ниятида эмас.
Маркиньос парижликлар сафида 2013 йилнинг июлидан буён тўп тепиб келмоқда. Бразилиялик футболчи ўтказилган ўйинлар сони бўйича клуб рекордчиси ҳисобланади.
