"Наполи" "Жирона" билан чап қанот ҳимоячиси Мигель Гутьерреснинг трансфер шартлари бўйича келишиб олди.
Келишув қиймати 18 млн еврони ташкил этиши мумкин - агар Corriere dello Sport маълумотига ишонилса, клублар айнан шунча суммага келишган. 24 ёшли футболчининг ўзи эса Италиянинг амалдаги чемпионлари сафига ўтишга ҳали розилик бергани йўқ.
2022 йилнинг ёзида "Жирона" Мигель Гутьерресни Мадриднинг "Реал" клубидан 4 млн еврога сотиб олганди. Маълум бўлишича, "қаймоқранглилар" ўз тарбияланувчисининг яқинлашиб келаётган қайта сотувидан катта фоиз олади.
Ўтган мавсумда испаниялик 36 та ўйинда майдонга тушиб, 2 та гол ва 6 та голли узатмага муаллифлик қилган.
