Дортмунднинг "Боруссия" клуби Швециянинг электромобиль ишлаб чиқарувчи Polestar компанияси билан 3 йиллик шартнома имзолаганини эълон қилди.
Компания логотипи жамоа футболкаларининг енгларида, шунингдек, стадион ва унинг ёнидаги машғулот жиҳозлари ва реклама юзаларида пайдо бўлади.
Клуб ўйинчилар, раҳбарият ва клуб вакиллари фойдаланиши мумкин бўлган 60 та автомобиль олади.
Бу ҳамкорлик "Боруссия"га йилига тахминан 5 млн евро фойда келтиради. Бонуслар мавжуд бўлса, умумий сумма 15 миллион евродан ошиши мумкин.
