Ҳозирда ўз ватанида "Сантос" шарафини ҳимоя қилаётган юлдуз ҳужумчи Неймар Бразилия терма жамоасига чақирув бўйича фикр билдирди.
"Менинг услубимни ҳамма жуда яхши билади. Мен ҳар доим мулоқотга очиқман. Буни мураббийлар штаби ҳал қилсин," - дея 33 ёшли ҳужумчининг сўзларини келтиради RMC Sport.
Эслатиб ўтамиз, Неймар Бразилия терма жамоаси сафидаги сўнгги ўйинини 2023 йилнинг кузида ўтказган эди. Ўша қарама-қаршиликда "селесао" Уругвай жамоасига 0:2 ҳисобида имкониятни бой берди.
Айни пайтда Бразилия терма жамоаси бош мураббийи лавозимини италиялик мутахассис Карло Анчелотти эгаллаб турибди. Сентябрь ойида жамоа Боливия ва Чилига қарши саралаш ўйинларини ўтказиши режалаштирилган.
