"Ливерпуль" ҳужумкор ярим ҳимоячиси Харви Эллиотт "РБ Лейпциг"нинг трансфер мақсадига айланди.
Клублар ўртасидаги музокаралар аллақачон бошланган, аммо ҳозирча бошланғич босқичда, дея хабар бермоқда журналист Дэвид Орнштейн. "Қизил буқалар" англиялик футболчини "Челси"га ўтишга яқин турган Хави Симонсга ўринбосар сифатида кўрмоқда.
"Ливерпуль" Харви Эллиотнинг нархини 45-60 миллион еврога баҳоламоқда.
Ўтган мавсумда 22 ёшли футболчи мерсисайдликлар сафида барча мусобақаларда 28 та ўйинда майдонга тушиб, 5 та гол ва 3 та голли узатмага муаллифлик қилган.













