"РБ Лейпциг" ҳужумчиси Беньямин Шешко қайси клубга ўтмоқчи эканини ҳал қилди.
Сешанба куни "қизил иблислар" 22 ёшли словениялик футболчи трансфери бўйича таклиф билан чиққан, бироқ бироз аввалроқ "Ньюкасл" "РБ Лейпциг"га янада қулайроқ шартларни таклиф қилганди. Шундай бўлса-да, журналист Алекс Крукнинг ёзишича, ўша сешанба оқшомида Шешко айнан "Манчестер Юнайтед"га ўтмоқчи эканини очиқ-ойдин айтган. Манкунианликлар немис клуби раҳбарияти билан келишилса, келишув амалга ошишига ишонмоқда.
Маълумотларга қараганда, "Ньюкасл" Беньямин Шешко учун 90 млн евро атрофида, "Манчестер Юнайтед" эса 85 млн евро атрофида маблағ таклиф қилган.
