"Челси" вингери Раҳим Стерлинг трансфер ойнаси ёпилгунга қадар жамоасини ўзгартириши мумкин.
"Кўклар" 30 ёшли футболчи билан хайрлашишга тайёр, чунки унга асосий таркибдан жой кўрмаяпти. TBR Football хабарига кўра, инглизнинг ўзи "Челси"дан кетса, Лондонда қолишга қарор қилган. Вазиятни "Вест Хэм", "Фулхэм" ва "Кристал Пэлас" клублари кузатиб бормоқда.
Раҳим Стерлинг ўтган мавсумни Лондоннинг бошқа бир клуби - "Арсенал"да ижарада ўтказди. Футболчининг ҳозирги трансфер нархи Transfermarkt портали томонидан 10 млн еврога баҳоланмоқда, унинг "Челси" билан меҳнат шартномаси эса 2027 йилнинг ярмигача мўлжалланган.













