Грегорио Мансано Ла Лига ўйинларига ҳакамлар тайинлаш қўмитасига киритилди.

Шу тариқа, ҳакамларни танлаш билан шуғулланувчи орган таркибига тарихда илк бор мураббий киритилди.

Мансано бунгача "Атлетико", "Севилья", "Мальорка", "Райо Вальекано", "Малага", "Расинг" ва "Вальядолид" клубларини бошқарган.

Бундан ташқари, 69 ёшли испаниялик Хитойда "Шанхай Шэньхуа" ва "Бейжинг Гоан" клубларида ишлаган. Мансанонинг сўнгги иш жойи "Гуйчжоу Чжичэн" эди. У 2018 йилда ўз лавозимини тарк этган.

Шунингдек, ҳакамларни тайинлаш бўйича қўмита таркибига Ҳакамлар техник қўмитаси (CTA) раҳбари Франсиско Сото ва собиқ ҳакам Тейшейра Витьенес ҳам киритилган.