"Барселона" қанот ҳимоячиси Жюль Кунде яқин кунларда жамоа билан 2027 йилига мўлжалланган шартномасини узайтиради.

Испаниянинг Sport нашри хабарига кўра, Англия Премьер-лигасининг бир қатор гранд жамоаларидан жозибадор таклифлар борлигига қарамай у "Барcелона"да қолишни афзал билди.

Кунде мураббий Фликнинг ишончини жуда қадрлайди. У ўтган мавсумда энг кўп ўйинларда майдонга тушган футболчи эди, фақат мавсум охиридаги жароҳат сабабли ўйинларни ўтказиб юборган.

У марказий ҳимоячи позициясини афзал кўрса-да, ўнг қанот ҳимоячиси сифатида ўйнаганидан ҳеч қачон шикоят қилмаган.

Жюль ҳозирда 65 миллион еврога баҳоланмоқда. У "блауграна" сафида жами 141 та ўйинда 7 та гол уриб, 18 бор голли узатма берган.