Англия Премьер-лигасининг янги мавсуми бошланишига оз фурсат қолди. Opta суперкомпьютери жамоаларнинг чемпионлик имкониятини ҳисоблаб чиқди.

Ҳисоб-китобларга кўра, чемпионлик учун энг катта имконият амалдаги чемпион - "Ливерпуль"га тегишли. Мерсисайдликлар чемпионликни ҳимоя қилиш эҳтимоли 28,5% ни ташкил қилади.

Премьер-лигада ғолиб чиқиш имконияти бўйича иккинчи ўринда "Арсенал" бормоқда - 24,3 фоиз. Кучли учликни "Манчестер Сити" якунламоқда, Хосеп Гвардиола жамоасининг чемпионлик учун имконияти 18,8 фоизга баҳоланмоқда.

Кейинги ўринларда "Челси" (8,4%), "Астон Вилла" (5,1%), "Ньюкасл" (5,1%), "Кристал Пэлас" (2,9%) бормоқда. Қолган жамоаларнинг имкониятлари 1% ёки ундан ҳам паст.