Бундеслиганинг янги мавсуми старти яқин ва ҳужумчи Ник Вольтемаде келажаги билан боғлиқ вазиятга тезроқ ойдинлик киритишни истамоқда. Германиянинг Sport нашри хабарига кўра, 23 ёшли Вольтемаде "Бавария"га шарт қўйган - футболчи агар мюнхенликлар уни ўз сафига қўшиб олмоқчи бўлса, ҳафта охиригача трансфер ташаббуси билан чиқишини истамоқда.
Агар "Бавария" яқин кунларда ҳеч қандай чора кўрмаса, у ҳолда Вольтемаде эътиборини мавсумни "Штутгарт"да ўтказишга қаратади. Бундай ҳолда, ҳужумчи кейинги сафар келаси ёзда ўз келажаги ҳақида ўйлайди.
Нуфузли Transfermarkt портали Ник Вольтемадени 30 миллион еврога баҳоламоқда.
