Немисларнинг пунктуаллиги аллақачон тилларда достон бўлган ва бунинг яна бир исботи Мюнхеннинг "Бавария" клуби 35 минг евро миқдорида жаримага тортилиши бўлди. Сабаби - ўйин 37 сония кеч бошлангани.
Бу ўтган чемпионатнинг 31-турида "Майнц"га қарши ўйинда содир бўлганди. "Бавария" қарорга эътироз билдирди, аммо барибир - жарима тасдиқланди. Ўша ўйинда баварияликлар йирик 3:0 ҳисобида ғалаба қозониб, кейинчалик Германия чемпионига айланишди.
Германия Бундеслигасининг янги мавсуми 22 август куни бошланади, биринчи турда "Бавария" ўз майдонида "РБ Лейпциг" билан ўйнайди.
