Аргентиналик футболчи Эрик Ламеланинг Грециянинг АЕК клуби билан саргузаштлари узоқ давом этмади. Ўтган ёзда 3 йиллик шартнома имзолаган футболчи бу ёзда клуб билан хайрлашди.
Афина клуби матбуот хизмати ўтган мавсумда олтита гол урган Ламела билан хайрлашганини эълон қилди. Клубнинг янги бош мураббийи Марко Николич Ламеланинг хизматларига муҳтож эмас, у ёш футболчиларга эътибор қаратишни афзал кўради деган хулосага келди.
33 ёшли футболчи ё Аргентинага қайтиши, ёки бир вақтлар Римнинг "Рома" клуби шарафини ҳимоя қилган Италияда яна ўзини синаб кўриши кутилмоқда.
