"РБ Лейпциг" вингери Антонио Нуса жорий трансфер ойнасида Миланнинг "Интер" клубига ўтмайди.
20 ёшли футболчи бозорда Адемола Лукманга муқобил вариантлардан бири сифатида "нерадзуррилар" томонидан белгиланган эди. Инсайдер Фабрицио Романонинг маълум қилишича, "қизил буқалар" норвегиялик истиқболли футболчини қўйиб юбормайди, чунки Беньямин Шешко ва Хави Симонс шундоқ ҳам жамоани тарк этиши эҳтимоли катта. Тахминларга кўра, икки етакчи кетганидан сўнг Нуса бошланғич таркибда ўзини кўрсатиш имкониятига эга бўлади ва харидорлар катта миқдордаги маблағдан воз кечишга тайёрлигини билдирган тақдирдагина у бўйича таклифлар кўриб чиқилади.
Transfermarkt портали Антонио Нусанинг нархини 28 млн еврога баҳоламоқда.
