"RB Leypsig" vingeri Antonio Nusa joriy transfer oynasida Milanning "Inter" klubiga o‘tmaydi.
20 yoshli futbolchi bozorda Ademola Lukmanga muqobil variantlardan biri sifatida "neradzurrilar" tomonidan belgilangan edi. Insayder Fabrisio Romanoning ma’lum qilishicha, "qizil buqalar" norvegiyalik istiqbolli futbolchini qo‘yib yubormaydi, chunki Benyamin Sheshko va Xavi Simons shundoq ham jamoani tark etishi ehtimoli katta. Taxminlarga ko‘ra, ikki yetakchi ketganidan so‘ng Nusa boshlang‘ich tarkibda o‘zini ko‘rsatish imkoniyatiga ega bo‘ladi va xaridorlar katta miqdordagi mablag‘dan voz kechishga tayyorligini bildirgan taqdirdagina u bo‘yicha takliflar ko‘rib chiqiladi.
Transfermarkt portali Antonio Nusaning narxini 28 mln yevroga baholamoqda.
