"Милан"дан ижарага олинган "Галатасарой" ҳужумчиси Альваро Мората тез орада "Комо" футболчисига айланади.
Туркия клуби 32 ёшли испаниялик футболчининг ижараси муддатидан олдин тўхтатилгани учун товон пули сўраган ва ҳозирда томонлар барча тафсилотларни ўзаро ҳал қилмоқда. Sky Sport хабарига кўра, "Комо" "Галатасарой"га 3 млн евро ва бонуслар тўлайди, "Милан" эса трансфер учун 12 млн евро олади. Шу тариқа, келишув форварднинг янги клубига умумий ҳисобда 15-16 млн еврога тушади.
Альваро Моратанинг ўзи аллақачон "Комо"га ўтишга розилик берган. У жорий йилнинг февраль ойидан буён "Галатасарой" шарафини ҳимоя қилиб келмоқда.
