"Манчестер Юнайтед" ёзда Карлос Балебани сотиб олиши даргумон.

ESPN хабарига кўра, "Брайтон" ярим ҳимоячини 120 млн еврога баҳоламоқда. Аввалроқ, қишда Балеба қиммат нарх туфайли "Манчестер Сити" билан шартнома имзоламагани маълум бўлганди.

Қайд этилишича, "МЮ" Беньямин Шешкони 76,5+8,5 млн еврога харид қилганидан сўнг, Балебани қўлга киритиш қийин бўлади деб ҳисоблаб, у бўйича музокараларни бошламаган. Битим фақат Рубен Аморим ишонмаётган ўйинчиларни сотган тақдирдагина амалга оширилиши мумкин. Шу билан бирга, Балеба ёзда "Брайтон"ни тарк этишга интилмаяпти - унинг келаси йили бошқа клубга ўтиши эҳтимоли кўпроқ.

АПЛнинг ўтган мавсумида 21 ёшли ярим ҳимоячи 31 ўйинда 3 та гол ва ассистга муаллифлик қилган.