"МЮ" Пьетро Комуццога қизиқиш билдирмоқда.
"Фиорентина"нинг Англиядаги мавсумолди ўртоқлик ўйинларида 20 ёшли ҳимоячини "Манчестер Юнайтед", "Сандерленд" ва "Борнмут" скаутлари фаол кузатиб бормоқда.
Италия клуби Комуццонинг трансферини 40 млн еврога баҳоламоқда, дея хабар бермоқда TuttoSport нашрига таяниб FirenzeViola.
Қайд этилишича, айни дамда "Фиорентина" тарбияланувчиси трансферга унчалик қизиқиш билдирмаяпти ва бор эътиборини А Сериянинг бўлажак мавсумига қаратган.
Италиялик футболчи Италия чемпионатининг ўтган мавсумида 33 та ўйинда майдонга тушиб, 1 та гол урган.













