Саудия Арабистонининг "Ан-Наср" клуби бош мураббийи Жорже Жезуш Лондоннинг "Челси" клубида тўп тепган португалиялик машҳур ҳужумчи Жоау Феликснинг трансфери борасида фикр билдирди.
"Феликс бозорда мавжуд эди ва биз уни таклиф қилишга қарор қилдик. Мен унга ишонишда давом этаман. У менинг ҳужумдаги ўйин услубимга мос келадиган кўникмаларга эга. Ўйлайманки, Жоау "Ан-Наср"ни танлаб, барчасини тўғри қилди," - дея бош мураббийнинг сўзларини келтиради O Jogo.
25 ёшли форвард ўтган ой охирида саудияликлар жамоасига кўчиб ўтганди. Жоау клуб билан икки йиллик меҳнат шартномасини имзолади. Transfermarkt портали маълумотларига кўра, "Челси" ва "Ан-Наср" ўртасидаги келишув суммаси 30 миллион еврони ташкил этган.
