Италиялик дарвозабон Жанлуижи Доннаруммага "Пари Сен-Жермен"ни тарк этиши кераклиги айтилди ва яқин бир ҳафта ичида вазиятга ойдинлик киритилади. Дарвозабон учун курашда "Манчестер Сити", "Челси" ва "Бавария" клублари иштирок этмоқда, деб хабар беради Football Italia.

Манбага кўра, яқин кунларда "Манчестер Сити" дарвозабон учун курашга фаол қўшилишга тайёр. Шунингдек, куни кеча "Бавария" ҳам қизиқиш билдирганди. "Челси" вазиятни кузатиб бормоқда, аммо ҳозирча Италия терма жамоаси дарвозабонининг трансфери бўйича ҳеч қандай расмий қадам ташлагани йўқ.

Аввалроқ, "ПСЖ" спорт директори Луиш Кампуш "Лилль" дарвозабони Люк Шеваленинг сотиб олиниши фонида жамоанинг амалдаги биринчи рақамли футболчиси Жанлуижи Доннарумманинг кетишини талаб қилаётгани ҳақида хабар берилганди.