Нуфузли инсайдер Фабрицио Романо "Ньюкасл" "ПСЖ" ҳужумчиси Рандал Коло-Муани трансфери бўйича музокараларни бошлагани ҳақидаги хабарга муносабат билдирди. Романонинг сўзларига кўра, аслида музокаралар бўлмаган, 26 ёшли француз эса "Ювентус"га қайтишни истамоқда.

"Коло-Муани трансфери бўйича фаол музокаралар олиб бораётган клуб "Ювентус" бўлган, ҳозир ҳам бор ва бўлади. Коло-Муани "Ювентус"га қайтишни истамоқда, "Ювентус" эса Коло-Муани олиб келмоқчи ва "ПСЖ" билан музокаралар олиб бормоқда. "Ньюкасл"даги манбалар ҳеч қандай музокаралар ёки таклифларни рад этмоқда," - деб ёзди Романо ижтимоий тармоқда.

Ўтган мавсумнинг иккинчи қисмида Рандаль Коло-Муани "Ювентус"да ижарада ўйнаган эди. Туринликлар сафида 22 та ўйинда форвард 10 та гол урди ва 3 та голли узатмани амалга оширди.