"Барселона" ярим ҳимоячиси Гави марказий ҳимоячи Иньиго Мартинеснинг клубни тарк этиши ҳақида гапирди.
34 ёшли футболчи Саудия Арабистонининг "Ан-Наср" клубига ўтади. Тез орада битим расман тасдиқланади.
«Ҳаётингизнинг янги бобида омад ёр бўлсин, ака. Сизни соғиниб қоламан, жангчим," - деб ёзди Гави ижтимоий тармоқда Иньиго билан тушган расмини жойлаб.
Мартинес "кўк-анорранглилар" сафида икки йил тўп тепди. Ўтган мавсумда у Испанияда барча ички совринларни қўлга киритган ва Чемпионлар Лигаси ярим финалига чиққан Ханс-Дитер Флик жамоасининг асосий ўйинчиларидан бири эди.
