"Реал" Гонсало Гарсия билан шартномани узайтирди.
21 ёшли форварднинг янги келишуви 2030 йилнинг 30 июнига қадар мўлжалланган.
Аввалроқ товон пули 1 миллиард еврога ошиши хабар қилинганди.
Гонсало 2014 йилда 10 ёшида "Реал"га қўшилган ва клубнинг ёшлар тизимида ўн мавсум ўтказган.
2023 йилнинг ноябрь ойида испаниялик футболчи мадридликларнинг асосий жамоасида дебют қилди. Энди у "Реал" асосий таркибининг тўлақонли аъзосига айланади.













