"Манчестер Юнайтед" бош мураббийи Рубен Аморим шанба куни "Олд Траффорд" стадиони ёнида мухлисларга дастхат тарқатди. Ижтимоий тармоқларда Аморимдан "ПСЖ" дарвозабони Жанлуижи Доннаруммани ўз сафига қўшиб олиши ёки олмаслиги сўралаётгани акс этган видео пайдо бўлди.
Аморим мухлиснинг сўзларини эшитмади, кейин савол такрорлангач, шунчаки кулиб юборди.
Аввалроқ матбуотда "ПСЖ" ёзда шартномани узайтириш бўйича муваффақиятсиз музокаралардан сўнг Жанлуижи Доннаруммани сотмоқчи экани ҳақида ёзишганди.













