Маркус Рэшфорд "Барселона" учун Ла Лиганинг янги мавсумидаги биринчи ўйинида рўйхатдан ўтмай қолиши мумкин.
16 август, шанба куни “кўк-анорранглилар” “Мальорка”га қарши сафар ўйинида Испания чемпионлигини ҳимоя қилишни бошлайди.
Mundo Deportivo хабарига кўра, инглиз футболчиси бунгача рўйхатдан ўтмаслиги эҳтимоли катта. Клубнинг ҳозирги устувор вазифаси яна бир янги футболчи, Жоан Гарсияни рўйхатдан ўтказишдир, у Ханс-Дитер Флик жамоасининг янги асосий дарвозабони бўлади.













