Мадриднинг "Реал" клуби сафида тўп тепаётган англиялик хавбек Жуд Беллингем жароҳатланган елкасида жарроҳлик амалиёти ўтказгандан сўнг тикланишни бошлади.
AS журналистлари маълумотига кўра, ярим ҳимоячи октябрь ойи охиридан олдин сафга қайтиши мумкин.
Эслатиб ўтамиз, 22 ёшли футболчи "қироллик клуби" сафига 2023 йилнинг ёзида келиб қўшилган эди. Футболчи ва "қаймоқранглилар" ўртасидаги амалдаги меҳнат шартномаси муддати 2029 йил июнь ойи охирида тугайди. Инглизнинг бозор нархи 180 миллион еврони ташкил этади.
Жуд Ла Лиганинг ўтган мавсумида 31 та ўйинда қатнашиб, 9 та гол ва 8 та голли узатмани ўз ҳисобига ёздириб қўйган.
