Madridning "Real" klubi safida to‘p tepayotgan angliyalik xavbek Jud Bellingem jarohatlangan yelkasida jarrohlik amaliyoti o‘tkazgandan so‘ng tiklanishni boshladi.

AS jurnalistlari ma’lumotiga ko‘ra, yarim himoyachi oktyabr oyi oxiridan oldin safga qaytishi mumkin.

Eslatib o‘tamiz, 22 yoshli futbolchi "qirollik klubi" safiga 2023 yilning yozida kelib qo‘shilgan edi. Futbolchi va "qaymoqranglilar" o‘rtasidagi amaldagi mehnat shartnomasi muddati 2029 yil iyun oyi oxirida tugaydi. Inglizning bozor narxi 180 million yevroni tashkil etadi.

Jud La Liganing o‘tgan mavsumida 31 ta o‘yinda qatnashib, 9 ta gol va 8 ta golli uzatmani o‘z hisobiga yozdirib qo‘ygan.