Мадриднинг "Реал" клуби марказий ҳимоячиси Эдер Милитао узоқ вақтдан буён илк бор асосий таркибда майдонга тушди.
Бразилиялик футболчи "қаймоқранглилар"га ўртоқлик учрашувида Австриянинг "Тирол" клубини мағлуб этишга ёрдам берди (4:0). 11-дақиқада 27 ёшли футболчи ҳисобни очган бўлса, 62-дақиқада унинг ўрнига Антонио Рюдигер ўйинга қўшилди.
"Мен учун энг муҳими - майдонга қайтиш. Вақт керак бўлди, лекин энди мен яна севимли ишимдаман ва мураббий мени майдонга туширганида бор кучимни бераман. Менинг голим? Зарба яхши чиқди, аммо тўп дарвозага киради деб ўйламагандим," - дейди ҳимоячи интервьюда.
Эслатиб ўтамиз, Эдер Милитао ноябрдан июлгача хочсимон боғлами йиртилгани сабабли майдонга тушмаган эди. Футболчининг қайтиши клублар ўртасидаги жаҳон чемпионатида "ПСЖ"га қарши ўйинда бўлиб ўтди - ўшанда у иккинчи бўлимда захирадан майдонга тушди.
