Дарвозабон Жанлуиджи Доннарумма тез орада "Пари Сен-Жермен"ни тарк этишини эълон қилди.
Париж клуби италиялик билан хайрлашишга қарор қилди ва сешанба куни футболчининг ўзи бу маълумотни ўз баёнотида тасдиқлади. Доннаруммага асосий даъвогарлардан бири "Манчестер Юнайтед" экани айтилганди, аммо энди маълум бўлишича, "қизил иблислар" 26 ёшли дарвозабон учун курашда иштирок этмаяпти, деб хабар бермоқда таниқли журналист Бен Жейкобс.
Миш-мишларга кўра, "ПСЖ" посбон учун 25 млн евродан кўпроқ сўрамоқда.













