Италия терма жамоаси ва Франциянинг "ПСЖ" клуби дарвозабони Жанлуиджи Доннарумма фаолиятини Германия Бундеслигасида давом эттириш вариантига эга.
Манбага кўра, италиялик посбоннинг хизматларига Мюнхеннинг "Бавария" клуби қизиқиш билдирмоқда. Аввалроқ, 26 ёшли дарвозабонга "Манчестер Сити" ҳам қизиқиш билдираётгани ҳақида хабарлар тарқалган эди.
Transfermarkt портали баҳосига кўра, Жанлуиджининг бозор нархи 40 миллион еврога баҳоланмоқда. Дарвозабон ва "ПСЖ" ўртасидаги меҳнат шартномаси муддати 2026 йилнинг июнь ойи охирида тугайди.
Ўтган мавсумда дарвозабон Лига 1да 24та ўйинда майдонга тушиб, 27та гол ўтказиб юборган.
