"Кристал Пэлас" марказий ҳимоячиси Марк Гехи ҳали "Ливерпуль" билан келишиб олгани йўқ.

25 ёшли футболчи "қизиллар"нинг асосий трансфер мақсадларидан бири сифатида кўрилмоқда, бироқ ҳозирча бунга аниқлик киритилганича йўқ. Журналист Алекс Крукнинг ёзишича, музокаралар фақат бошланғич босқичда, Гехи келишувга розилик бермаган. Футболчи ҳеч қаерга шошилмаяпти: у "Кристал Пэлас"да келаси ёзгача қолишга, амалдаги шартномаси муддати тугаганидан кейин эркин агент сифатида кетишга тайёр.

Марк Гехининг Transfermarkt бўйича нархи 45 млн еврога баҳоланмоқда. Англия терма жамоасининг марказий ҳимоячиси 2021 йилдан бери "бургутлар" шарафини ҳимоя қилиб келмоқда.