Лондоннинг "Челси" клуби хавбеки Андрей Сантос Энцо Мареска жамоасида ўзини кўрсатиш имкониятига эга бўлади.

Бразилиялик футболчи ўтган мавсумни Франциянинг "Страсбург" клубида ижарада ўтказиб, ўзини кўрсатди. Ёзда футболчи "Челси" қароргоҳига қайтди ва клублар ўртасидаги жаҳон чемпионатида ғалаба қозонди. Сантосга "Ювентус" қизиқиш билдираётганди, бироқ инсайдер Фабрицио Романонинг ёзишича, "кўклар" футболчини на сотмоқчи, на уни навбатдаги ижарага жўнатмоқчи. 21 ёшли ярим ҳимоячи бўлажак мавсум режаларининг муҳим қисми ҳисобланади, лондонликлар унинг истиқболларини юқори баҳолашмоқда.

Андрей Сантоснинг Transfermarkt порталидаги нархи - 35 млн евро. Бразилиялик футболчининг шартномаси 2030 йилгача мўлжалланган.