"Пари Сен-Жермен" ҳужумчиси Гонсалу Рамуш УEФА Суперкубоги доирасида "Тоттенхэм"га қарши кечган ўйин якунида келажаги ҳақида фикр билдирди.
Португалиялик футболчи оқшом қаҳрамонларидан бирига айланди: унинг 94-дақиқада урган голи парижликларни асосий вақтда мағлубиятдан қутқариб қолди - 2:2. Пенальтилар сериясида 24 ёшли футболчи ўз уринишини голга айлантирди ва жамоанинг ғалаба қозонишига ёрдам берди.
Учрашув якунлангач, журналистлар ҳужумчидан унинг келажаги ҳақида сўрашди, у аниқ жавоб берди: "Мен ёзда "ПСЖ"да қоламан," - дея футболчининг сўзларини келтиради Фабрицио Романо.
Гонсал Рамушга "Ньюкасл", "Милан" ва бошқа клублар қизиқиш билдирганди. Ҳужумчининг шартномаси 2028 йилгача мўлжалланган.
