"Ливерпуль" "Парма"да ўйнаётган 18 ёшли Жованни Леони учун курашда ғалаба қозонди.
Аввалига “Ювентус”, “Интер” ва “Милан” умидли марказий ҳимоячига асосий даъвогарлар саналганди.
"Ливерпул"нинг қизиқиши нисбатан яқинда маълум бўлди, аммо "қизиллар" футболчини ва унинг клубини тезда ишонтира олишди.
Журналист Пол Жойснинг сўзларига кўра, “Манчестер Юнайтед” ва “Ньюкасл” ҳам Леонини сотиб олиш ҳақида ўйлашаётган эди.
Футболчининг ўзи ҳам унинг кумири Виржил ван Дейк эканлигини тан олди. Бу унинг якуний танловига ҳам таъсир қилган.
