"Тоттенхэм" "ПСЖ"га қарши кечган УЕФА Суперкубоги баҳсида икки гол фарқни қўлдан чиқарди. Ўйие пенальтилар сериясига қадар етиб борди, унда омад парижликларга кулиб боқди. "Шпорлар" таркибида Микки ван де Вен ва Матис Тел гол ура олмади.
Ўйиндан сўнг Тель ижтимоий тармоқларда, жумладан, ирқий сабабларга кўра ҳақоратлана бошлади. Бу борада "Тоттенхэм" баёнот берди. Клуб расистларни қоралайди.
"Биз Матис Тель ижтимоий тармоқларда дуч келаётган ирқчилик ҳақоратларидан ғазабдамиз. Матис пенальти тепишга қарор қилиб, мардлик ва жасорат кўрсатди. Уни ҳақорат қилаётганлар ўз жирканч қарашларини тўкиб солиш учун аноним исмлар ортига яширинган қўрқоқлар, холос," - дейилади баёнотда.
"Тоттенхэм" ғазабли изоҳлар муаллифларини аниқлаш ва уларни жазога тортиш учун ҳуқуқ-тартибот идоралари билан ҳамкорлик қилмоқчи.
