"Tottenxem" "PSJ"ga qarshi kechgan UYEFA Superkubogi bahsida ikki gol farqni qo‘ldan chiqardi. O‘yiye penaltilar seriyasiga qadar yetib bordi, unda omad parijliklarga kulib boqdi. "Shporlar" tarkibida Mikki van de Ven va Matis Tel gol ura olmadi.
O‘yindan so‘ng Tel ijtimoiy tarmoqlarda, jumladan, irqiy sabablarga ko‘ra haqoratlana boshladi. Bu borada "Tottenxem" bayonot berdi. Klub rasistlarni qoralaydi.
"Biz Matis Tel ijtimoiy tarmoqlarda duch kelayotgan irqchilik haqoratlaridan g‘azabdamiz. Matis penalti tepishga qaror qilib, mardlik va jasorat ko‘rsatdi. Uni haqorat qilayotganlar o‘z jirkanch qarashlarini to‘kib solish uchun anonim ismlar ortiga yashiringan qo‘rqoqlar, xolos," - deyiladi bayonotda.
"Tottenxem" g‘azabli izohlar mualliflarini aniqlash va ularni jazoga tortish uchun huquq-tartibot idoralari bilan hamkorlik qilmoqchi.
