Foot Mercato нашри тарқатган хабарга кўра "Ницца" "Кристал Пэлас" ҳужумчиси Одсон Эдуарни ўз сафига қўшиб олиш учун қадам ташламоқчи.
2021 йилда "Селтик"дан "Кристал Пэлас"га қўшилган ҳужумчи Лига 1 билан яхши таниш, чунки у "Тулуза"да ижара асосида профессионал дебют қилишдан олдин "Пари Сен-Жермен" академиясидан ўтган.
Ўтган мавсумда у "Лестер"да ижара асосида ўйнаган, аммо бу ёзда француз "Пэлас"ни бутунлай тарк этадиганга ўхшайди. У Лига 1га қайтишни мақсад қилгани учун "Жирона" таклифини аллақачон рад этган.
Қўшимча қиламизки, 2024/25 йилги мавсумда Эдуар "Лестер" сафида барча мусобақаларда атиги 6 та ўйинда майдонга тушди.
